sem nær alla leið upp á topp og stofnar lífi hans í hættu. Með Gestapo á hælunum vinnur hann með bandarískri blaðakonu til að uppræta spillinguna. Saman leggja þau allt í sölurnar til að komast að sannleikanum.

Sannleik sem breytir gangi sögunnar.

Bókin var gerð að sjónvarpsmynd undir upprunalega titlinum, Fatherland, árið 1994.

Robert Harris (f. 1957) er breskur rithöfundur og blaðamaður. Skáldsagnaferill hans hófst með bókinni Föðurland, sem skaut honum upp á stjörnuhimininn og síðan hefur hann skrifað fjölda skáldsagna, ekki síst Enigma, sem gerð var kvikmynd eftir árið 2001. Harris býr í Bretlandi með konu sinni, rithöfundnum Gill Hornby, og eiga þau saman fjögur börn. Hann er hvergi nærri hættur að skrifa.