Inuit upperisaat oqalualaaviluQanga Inuit oqalualaavi, ileqqulersuutaat upperisarsiornerminnilu takorloortagaataf Klaus Engelbrechtsen & Jørgen Thomsen

Atuagaq aaqqissuussaavoq sammineqartut pingaarnersiorlugit, upperisarsiornermullu tunngasut itisilerlugit oqaaseqarfigisarlugit. Atuakkami kalaallit oqaluttuatoqaat ilisimaneqarnerpaat tamaasa tigulaariffigineqarput, soorlu Knud Rasmussenip katersorsimasarpassui, aammalu Hans Egedep, Poul Egedep, H.C. Glahnip, L. Dalagerip, H.J. Rinkip, Signe Rinkip, Haanseeqqap, Gustav Holmip, F.P.C. Rüttelip, Christian Rosingip, Peter Freuchenip, George Qúpersimâp, Jens Rosingip, allallu allatarisimasaat. Inuit taaneqartut ilarpassui danskinik-europamiunik siuaasaqarput, imaluunniit atuakkiortutut kristumiussutsimik pinngortitamulluunniit tunngasunik ilisimatusarnermik sammisaqarsimallutik. Tamatuma nalorninaatigisinnaavaa Inuit-kulturitoqaannik eqqartuisoqarsinnaammat nammineq nalunngisat namminerlu isummiussat kisiisa tunngavigiinnarlugit, pissutsit najoqqutarineqartunut atatillugu erseqqissarneqartarsimasut. Oqaluttuatoqqanut tunngatillugu pingaarnerpaaq tassaavoq kalaallit/inuit namminneerlutik kinguaariinni oqaluttuariuartarsimasaat, qanga upperisarsiornermi takorloortakkanik ileqqutoqqanillu pingaarutilinnik paasissutissiimmata.