aðlagast Sara fljótt aðstæðum og heldur áfram að vera góð og kurteis við alla þá sem hún hittir. Það sem hana grunar ekki er að það er einhver sem leitar hennar sem gæti verið mun nær en þau halda.

Höfundur bókarinnar skrifaði söguna fyrst í formi smásögu, sem varð síðar að leikriti og þá að skáldsögu. Kvikmyndir hafa verið gerðar eftir sögunni, þar sem m.a. Shirley Temple fór með hlutverk Söru, en karakterinn hefur heillað kynslóðir síðan hún kom fyrst út og er Lítil prinsessa ein vinsælasta barnabók allra tíma. Frances Eliza Hodgson Burnett (1849-1924) fæddist í Manchester, Englandi, en fluttist til Bandaríkjanna í kjölfar andláts föður síns. Hún skrifaði sögur fyrir tímarit til þess að létta undir með efnalítilli fjölskyldu sinni en í seinni tíð byrjaði hún að skrifa bæði leikrit og skáldsögur. Hennar frægustu verk eru bækurnar Lítil prinsessa (1905) og Leynigarðurinn (1911).