fyrir að hafa gleymt sér í hita leiksins þegar líf hennar tekur stakkaskiptum á ný. Hún kynnist Uan Palisser. Uan er ríkur maður sem býður henni upp á allt sem hugann girnist og meira til. Með Uan getur Debóra leyft sér allann munað, klæðst fínustu flíkum og skartgripum. Hana skortir ekkert, eða næstum ekkert. Áfram leika örlögin Debóru grátt og fleiri menn flækjast inn í líf hennar. Hún verður yfir sig ástfangin af Adrian Penarth en telur sig ekki geta átt hann, né haldið áfram daglegu lífi, nema að játa allar syndir sínar og gera honum ljóst hver hún er í raun. Þá liggur leið hennar í klaustur þar sem hún ritar sögu sína. Njóttu mín kom fyrst út á frummálinu sem Love and Deborah árið 1963 og er hér í íslenskri þýðingu Snjólaugar Bragadóttur

Netta Muskett (1887–1963) fæddist í Sevenoaks, Kent, Englandi, hún hóf starfsferil sinn sem stærðfræðikennari og sinnti sjúkraflutningum í fyrri heimsstyrjöldinni. Síðar, árið 1927, gaf hún út sitt fyrsta skáldverk og varð brátt þekktur höfundur rómantískra skáldsagnabóka. Hún byrjaði að skrifa um fertugt og gaf hún út yfir 100 verk á ritferli sínum. Sum verka hennar komu út undir dulnefninu Annie Hill. Bækur Musketts eru þekktar fyrir grípandi söguþráð, margslungnar persónur og rómantíska atburðarás. Muskett var talin einn af farsælustu höfundum rómantískra skáldsagna á meðan hún lifði. Lesendahópur hennar var stór og voru bækur hennar þýddar yfir á fjölmörg tungumál og nutu þær vinsælda um allan heim. Netta Muskett lést 76 ára gömul árið 1963 og entist henni ekki ævin til að sjá öll hennar verk á prenti. Síðasta bókin hennar kom út árið 1964. Bandaríska félagið The Romantic Novelists' Association veitti lengi verðlaun sem nefnd voru í höfuðið á Nettu Muskett, en hún var einn af meðstofnendum félagsins. Bækur hennar höfða til þeirra sem njóta rómantískra skáldsagna sem fjalla um fjölskyldur, ástir og örlög.