milli rússnesku mafíunnar og spillingar innan ítölsku lögreglunnar og neyðist til að falsa listaverk sem hún þarf að selja í uppboðshúsinu þar sem hún hóf feril sinn fyrir löngu síðan.

Judith er eins spennt fyrir að kollvarpa fyrrum vinnuveitanda sínum og hún er fyrir öfgafullu kynlífinu sem hún getur ekki lifað án - en mistök eiga eftir að vera henni dýrkeypt.

Það að setja hennar nýja sjálf í sviðsljósið skapar henni enn meiri hættu. Og uppljóstrar leyndarmálum sem gætu orðið Judith að falli.

Maestra Trílógían

Maestra-trílógían er röð erótískra spennusagna eftir L.S. Hilton, sem er höfundarnafn Lisu Hilton. Serían samanstendur af bókunum Maestra (2016), Domina (2017) og Ultima (2018). í bókunum segir frá Judith Rashleigh sem starfar við uppboðshús í London, en missir vinnuna í kjölfar samsæris sem sendir hana á flótta í heim glæsimennsku, glæpa og blekkinga.

Serían hefur selst í yfir milljón eintökum um allan heim og í vinnslu er kvikmynd sem byggir á henni.

L.S. Hilton er höfundarnafn Lisu Hilton, sem er breskur sagnfræðingur, blaðamaður og metsöluhöfundur. Fyrir utan Maestra-trílógíuna, hefur hún skrifað fjölda sögulegra skáldsagna og ævisagna um sögulegar persónur. Megin innblástur hennar kemur frá áhrifamiklum konum í gegnum mannkynssöguna. Lisa Hilton hefur starfað sem sjónvarpskynnir, skrifað fjöldann allan af handritum fyrir sjónvarp sem og greinar í ýmis blöð og tímarit. Hún skrifar á ítölsku, frönsku og ensku, hefur m.a. ritað greinar í tímaritin Vanity Fair, Elle og Times og hefur unnið til nokkurra verðlauna fyrir greinaskrif sín. Lisa ólst upp í Norður-Englandi, en hefur búið víða, meðal annars Flórens, París, New York, Mílanó og London.